Beijing — Bumisita nitong Huwebes, Mayo 4, 2017, si Martin Andanar, Kalihim ng Presidential Communications Operations Office (PCCO), sa ASEAN-China Center (ACC).
Sa kanyang pakikipag-usap kay Yang Xiuping, Pangkalahatang Kalihim ng ACC, ipinahayag ni Sec. Andanar na ang layon ng kanyang biyahe sa Tsina ay makipagkooperasyon sa mga departamentong pambalitaan, at mga pangunahing media ng Tsina upang ibayo pang mapataas ang kakayahan ng mga mediang Pilipino. Ipinahayag din niya ang kahandaang palakasin ang pakikipagpalitan at pakikipagtulungan sa ACC para makapagbigay ng mas malaking ambag sa pagpapalalim ng pag-uunawaan ng mga mamamayang Pilipino sa relasyong Pilipino-Sino, at relasyong ASEAN-Sino.
Ipinahayag naman ni Yang na ang pagpapalitan at pagtutulungan ng mga media ay mahalagang bahagi ng relasyong Sino-ASEAN. Ito rin aniya ay magalagang tulay sa pagpapasulong ng koneksyon ng kanilang mga mamamayan. Patuloy aniyang patitingkarin ng ACC ang papel nito upang makapagbigay ng mas malaking ambag para sa komprehensibo at malalimang pag-unlad ng relasyong Sino-ASEAN.
Salin: Li Feng
