Laganap sa iba't ibang lugar ng Tsina ang bicycle sharing services. Ito ay isang kombinyenteng bike rental service. Sa pamamagitan ng application sa mobile phone, makikita ninyo kung saan ang mga bisikletang ito. Para magamit, kailangan ang mobile app para buksan ang nakakandadong bisikleta. Pagkatapos ng gamitin, ikakandado lamang ninyo ang bisikleta at pwedeng iwan ito kahit saan. Mura ang renta. Batay sa iba't ibang uri ng bisikleta, 0.5 o 1 yuan RMB (3.5 o 7 Piso) kada kalahatang oras ng paggamit. Sa mobile app na rin ito binabayaran.
Kasunod ng bicycle sharing services, lumitaw ngayon ang powerbank sharing services, partikular sa Kunming, lunsod sa timog kanlurang Tsina. Halos pareho ang paraan ng paggamit nito. Ang pagkakaiba lamang ay karaniwang inilalagay ang mga powerbank sa mga shopping mall. Puwede ninyong i-charge ang mobile phone habang nagsho-shopping. Ayos ba ito?