Sa sidelines ng Belt and Road Forum for International Cooperation na idinaraos ngayon sa Beijing, nag-usap Mayo 14, 2017 sina Ministrong Panlabas Wang Yi ng Tsina at kanyang Thai counterpart na si Don Promudwinai.
Ipinahayag ni Wang na bilang tagapagtaguyod ng Belt and Road Initiative, positibo ang Tsina sa buong lakas na suporta na ibinibigay ng panig Thai sa usaping ito. Sinabi ni Wang na ang Thailand ay mahalagang bansa sa kahabaan ng Belt and Road Initiative. Nakahanda aniya ang Tsina na magsikap, kasama ng Thailand at ibang mga bansa ng Association of South East Asian Nations (ASEAN), para pahigpitin ang ugnayan ng kani-kanilang pambansang estratehiyang pangkaunlaran, palalimin ang konektibidad, at palakasin ang pagtutulungan sa proseso ng pagtatatag ng Belt and Road, para sa pagpapasulong ng kaunlaran at kasaganaan ng rehiyon.