Nakipagtagpo kahapon si Pangulong Xi Jinping ng Tsina sa kanyang counterpart na Indones na si Joko Widodo na nasa sa Beijing para sa Belt and Road Forum for International Cooperation (BRF) .
Tinukoy ni Xi na noong Oktubre ng taong 2013, sa kauna-unahang pagkakataon, iniharap niya ang "One Belt and One Road Initiative." At pagkaraang maging pangulo ng Indonesia ni Joko Widodo, iniharap din niya ang pagsisikap para maging Global Maritime Axis ang Indonesia. Nitong ilang taong nakalipas, aktibong tinalakay ng dalawang bansa ang nasabing mga kaisipan, komprehensibong pinalalim ang kooperasyon at natamo ang kapansin-pansing bunga at binuksan ang mas malawak na espasyong pangkooperasyon, aniya pa.
Binigyan-diin ni Xi na para mapasulong ang komprehensibong estratehikong partnership ng dalawang bansa, dapat mapanatili ang pagpapalitan sa mataas na antas, lubos na samantalahin ang mga mekanismo ng diyalogo at pagpapalitan, at palalimin ang pagtitiwalaang pulitikal. Nakahanda aniya ang panig Tsino na katigan ang intergrasyon ng ASEAN at ibayo pang pasulungin ang relasyong Sino-ASEAN at kooperasyong silangang Asyano.
Ipinahayag naman ni Joko na mataas na pinahahalagahan ng Indonesia ang "One Belt and One Road Initiative" at kasalukuyang porum. Nananalig aniya siyang ang pagtatatag ng "One Belt and One Road" ay makakapag-bigay ng mas maraming pagkakataon sa koopersyong pangkabuhayan ng Tsina at Indonesiya. Bukod dito, nakahanda ang Indonesia na pahigpitin ang pagpapalitan at pakikipagkoordina sa panig Tsino ng mga suliraning pandaigdig at panrehiyon, at katigan ang matatag na pag-unlad ng relasyong Sino-ASEAN, aniya pa.