Hinggil sa CRIHinggil sa Serbisyo Filipino
   

Premyer Tsino at Pangulong Pilipino, nag-usap

(GMT+08:00) 2017-05-16 08:55:02       CRI

Sa sidelines ng Belt and Road Forum for International Cooperation sa Beijing, nag-usap kahapon ng hapon, Mayo 15, 2017 sina Premyer Li Keqiang ng Tsina at Pangulong Rodrigo Duterte ng Pilipinas.

Ipinahayag ni Li na ilang beses idinaos ang matagumpay na pag-uusap sa pagitan nina Pangulong Xi Jinpin ng Tsina at Pangulong Duterte. Aniya, bilang mapagkaibigang magkapitbansa, ang mainam na relasyong Sino-Pilipino ay hindi lamang angkop sa komong interes ng dalawang bansa at mga mamamayan, kundi makakatulong din sa kapayapaan at katatagan ng rehiyon. Nakahanda aniya ang Tsina na magsikap, kasama ng Pilipinas, para pahigpitin ang ugnayan ng kani-kanilang pambansang estratehiyang pangkaunlaran, at palakasin ang pragmatikong pagpapalitan at pagtutulungan sa ibat-ibang larangang kinabibilangan ng kalakalan, imprastruktura, produktibong lakas, pinansya, kultura, at iba pa, para sa pagbibigay-ginhawa sa mga mamamayan ng dalawang bansa, at pagpapasulong ng katatagan at kasaganaan ng rehiyon.

Ani Li, nitong 50 taong nakalipas sapul ng pagkakatatag ng ASEAN, gumaganap ito ng mahalagang papel sa pagpapasulong ng pagtutulungan at pag-unlad ng mga kasaping bansa at buong rehiyon. Positibo aniya ang Tsina sa integrasyon ng ASEAN at leading role nito sa kooperasyong panrehiyon. Aniya, isinasabalikat ng Pilipinas ang papel bilang tagapangulong bansa ng Association of South East Asian Nations(ASEAN) sa taong 2017, at nakahanda ang Tsina na magsikap, kasama ng Pilipinas at ibang mga bansang ASEAN para ibayong palakasin ang pagtutulungan ng Silangang Asya, at pahigpitin ang komong kapalaran ng Tsina at ASEAN. Ipinahayag naman ni Pangulong Duterte na kasalukuyang umuunlad ang relasyong Sino-Pilipino sa tumpak na direksyon, at nagiging mabunga ang komprehensibong pragmatikong pagtutulungan ng dalawang panig. Umaasa aniya ang kanyang bansa na pag-aaralan ang karanasan ng Tsina sa pagpapasulong ng pambansang kabuhayan, at ibayong hihigpit ang kanilang pagtutulungan sa ibat-ibang larangang kinabibilangan ng imprastruktura, e-commerce, siyensiya, teknolohiya, pagpoprogreso ng pagkain, agrikultura, pangingisda at iba pa. Hinihintay aniya ng Pilipinas ang mas maraming pamumuhunan ng mga bahay-kalakal na Tsino. Samantala, nakahanda aniya ang Pilipinas na magsikap, kasama ng Tsina para pangalagaan ang katatagan at kaunlaran ng rehiyon.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>