Ngayong taon ay ika-40 anibersaryo ng pagkakatatag ng Chinese Academy of Social Sciences (CASS), pinakakomprehensibong pambansang institusyon ng pananaliksik ng Tsina.
Isang liham ang ipinadala ni Pangulong Xi Jinping ng Tsina bilang pagbati sa CASS.
Sa liham, ipinahayag ng pangulong Tsino ang paghanga at papuri sa ibinigay na ambag ng mga mananaliksik ng CASS sa pagtatakda ng pambansang plano ng gobyerno, pagpapasulong ng pilosopiyang Tsino at social sciences ng bansa.
Hinihikayat din ni Pangulong Xi ang mga miyembro ng CASS na patuloy na magsagawa ng inobasyon sa kanilang pananaliksik para paglingkuran ang bansa at mga mamamayan.
Salin/Edit: Jade
Pulido: Rhio