Ayon sa estadistikang ipinalabas ngayong araw, Linggo, ika-28 ng Mayo 2017, ng Ministry of Agriculture and Rural Development ng Biyetnam, noong unang limang buwan ng taong ito, umabot sa 13.7 bilyong Dolyares ang kabuuang halaga ng pagluluwas ng mga produktong agrikultural, produktong gubat, at produktong akuwatiko ng bansang ito. Ang halagang ito ay mas malaki ng 9.5% kumpara sa gayun ding panahon ng nagdaang taon.
Ayon pa rin sa estadistika, ang Tsina ay nananatiling bansang nag-aangkat ng pinakamalaking bolyum ng bigas ng Biyetnam. Ito rin ay isa sa mga pangunahing pamilihan ng mga iniluluwas na produktong gubat at produktong akuwatiko ng bansang ito.
Salin: Liu Kai