KINILALA ni National Capital Region Police Office Director Oscar Albayalde ang taong pumasok sa Resorts World noong Biyernes ng madaling-araw. Sa isang press briefing sa Malacanang, sinabi ni Presidential Spokesperson Ernesto Abella, isang nagngangalang Jessie Carlos ang may kagagawan na kaguluhan sa Resorts World.
Naninirahan sa 1663 Felix Huertas sa panulukan ng San Lazaro, Sta. Cruz, Manila si Carlos. Ang dating maybahay ni Carlos na si Jen Carlos ay mayroong isang pre-school sa pook. Sugapa na umano sa sugal si G. Carlos.
Napatunayang ang kagagawan ni Carlos ay tanging kanya lamang at walang anumang kinaaanibang samahan.