Natapos kahapon, Hunyo 4, ang Ika-16 na Shangri-La Dialogue (SLD). Pawang binanggit ng mga kalahok na ministrong pandepensa at mataas na opisyal sa mga suliranin ng tanggulang bansa ang isyu ng pagbibigay-dagok sa terorismo. Nakatawag din ng malaking pansin ang kalagayan sa Marawi, Pilipinas.
Tinukoy noong linggo, Hunyo 3, ni Hishammuddin Hussein, Ministrong Pandepensa ng Malaysia na ang ekstremismong panrelihiyon at Islamic State (IS) ay hamon sa Asya. Isiniwalat pa niyang isasagawa ang magkasanib na pagpapatrolya sa rehiyong pandagat ng Mindanao ng kanyang bansa, Pilipinas at Indonesia para mapigil ang IS.
Sa kanyang talumpati sa pulong, isiniwalat naman ni Gen. Ricardo David Jr., Pangalawang Kalihim para sa Polisiyang Pandepensa ng Kagawaran ng Tanggulang Bansa ng Pilipinas, na lihim na pumasok sa Marawi ang 40 dayuhang armadong tauhan at lumahok sa pagsalakay doon.
Ipinahayag naman ni Ng Eng Hen, Ministrong Pandepensa ng Singapore na, kasama ng iba pang bansa, kakatigan ng Singapore ang Pilipinas na harapin ang terorismo.