Ipinatalastas kahapon, Huwebes, ika-8 ng Hunyo 2017, ni Pangkalahatang Kalihim Antonio Guterres ng United Nations (UN), ang paghirang kay Liu Zhenmin, Pangalawang Ministrong Panlabas ng Tsina, bilang Pangalawang Pangkalahatang Kalihim ng UN na namamahala sa mga suliranin ng kabuhayan at lipunan. Siya ay kahalili ni Wu Hongbo, taga-Tsina rin, na matatapos ang termino sa huling araw ng susunod na buwan.
Lubos na hinahangaan ni Guterres ang ambag na ibinigay ni Wu Hongbo sa kanyang termino para sa mga usapin ng UN. Positibo rin siya sa mahigit 30 taong karanasan ni Liu Zhenmin sa diplomasya, at matagal at malaki niyang pagpansin sa mga suliraning panrehiyon at pandaigdig.
Salin: Liu Kai