Sinabi kahapon, Linggo, ika-11 ng Hunyo 2017, ni Ministrong Panlabas Sabah Al-Khalid Al-Sabah ng Kuwait, na sa pamamagitan ng medyasyon ng kanyang bansa, ipinahayag ng Qatar ang kahandaang isaalang-alang ang pagkabahala ng mga ibang bansa, at lutasin ang kaligaligan sa pagkakaputol ng relasyon, sa pamamagitan ng diyalogo.
Kamakailan, ipinatalastas ng ilang bansang kinabibilangan ng Bahrain, Ehipto, Saudi Arabia, United Arab Emirates, at iba pa, ang pagputol ng relasyong diplomatiko sa Qatar, dahil sa pagkatig ng Qatar sa mga terorisitikong aktibidad. Pagkaraan nito, sinimulan ng Kuwait ang medyasyon para lutasin ang naturang kaligaligan.
Salin: Liu Kai