Kinatagpo Hunyo 12, 2017 sa Beijing ni Yang Jiechi, Kasangguni ng Estado ng Tsina si Ahmet Üzümcü, Direktor Heneral ng Organization for Prohibition of Chemical Weapons(OPCW).
Ipinahayag ni Yang na nitong 20 taong nakalipas sapul nang magkabisa ang Chemical Weapons Convention(CWC) at maitatag ang OPCW, mahalagang papel ang ginaganap ng mga ito sa pagbabawal ng sandatang kemikal at pangangalaga sa kapayapaan ng daigdig. Aniya, patuloy na susuportahan ng Tsina ang layunin ng CWC, tutupdin ang sariling obligasyon, at pahihigpitin ang pakikipagtulungan sa OPCW.
Ipinahayag naman ni Ahmet Üzümcü ang pagpapahalaga sa konstruktibong papel ng Tsina sa pagbabawal ng sandatang kemikal, at inaasahang hihigpit pa ang pakikipagtulungan sa Tsina sa usaping ito.