Sa pahayag na inilabas Biyernes, Hunyo 23, 2017 sa Brussels ng Summit ng Unyong Europeo (EU), inulit ng EU na dapat isagawa ang reporma sa kasalukuyang ipinatutupad na Common European Asylum System (CEAS) para harapin ang lumalalang isyu ng mga refugees.
Ayon sa nasabing pahayag, ang reporma sa CEAS ay naglalayong mabisang kontrolin ang hanggahan ng EU at komprehensibong isakatuparan ang kasunduan sa pagitan ng EU at Turkey para mapigilan ang pagpasok ng mga iligal na mamamayan sa EU.
Para rito, pahihigpitin ng mga kasaping bansa ng EU ang mga aktuwal na kooperasyon sa pagitan ng isa't isa, patuloy na sasanayin at susuportahan ng EU ang coast guard ng Libya para bigyang-dagok ang network ng human smuggling at pahihigpitin ng EU ang mga kooperasyon sa mga bansang pinagmumulan ng mga refugees.