Inilahad ngayong araw, Hulyo 2, 2017 ni Liang Yang, Tagapagsalita ng Ministri ng Tanggulang Bansa ng Tsina, na sa unang dako ng buwang ito, dadalaw sa Hong Kong ang aircraft carrier formation ng Tsina para lumahok sa mga aktibidad bilang pagdiriwang sa ika-20 anibersaryo ng pagdedeploy ng tropa ng People's Liberation Army (PLA) sa Hong Kong.
Sa panahon ng pagdalaw sa Hong Kong, isasagawa ng aircraft carrier formation ang mga aktibidad ng pagpapalitan sa mga residenteng lokal.
Sinabi ni Liang na ang nasabing pagdalaw ay naglalayong ipakita sa mga residente ng Hong Kong ang kalagayan ng pag-unlad ng usaping pandepensa ng Tsina, lalo na ng tropang pandagat nitong ilang taong nakalipas.