Hinggil sa CRIHinggil sa Serbisyo Filipino
   

Pagpasok ng US Missile Destroyer sa karagatan ng Tsina sa Xisha, matinding probokasyon: tagapagsalitang Tsino

(GMT+08:00) 2017-07-03 10:15:38       CRI

Sinabi Linggo, Hulyo 2, 2017 ni Tagapagsalita Lu Kang ng Ministring Panlabas ng Tsina na matinding probokasyong pulitikal at militar ang pagpasok ng US Missile Destroyer Stethem sa karagatan ng Tsina sa Xisha Islands, South China Sea.

Sa pagpasok nang araw ring iyon ng missile destroyer USS Stethem sa nasabing karagatan, agarang nagpadala ng mga sasakyang militar at fighter planes ang Tsina para balaan at palabasin ang missile destroyer ng Amerika sa teritoryo ng Tsina , dagdag ni Lu.

Ayon naman sa panig Amerikano, ginawa ang nasabing aksyon alinsunod sa kalayaan sa nabigasyon.

Bilang tugon, sinabi ni Lu na ang nasabing aksyon ng panig Amerikano ay labag sa mga batas ng Tsina.

Ipinagdiinan ni Lu na batay sa Law of the People's Republic of China on the Territorial Sea and the Contiguous Zone, isinapubliko ng pamahalaang Tsino ang baseline ng karagatan ng Xisha noong 1996. Itinatadhana rin aniya ng may kinalamang batas ng Tsina ang hinggil sa pagpasok ng mga sasakyang militar na dayuhan sa teritoryong pandagat ng Tsina.

Hiniling ni Lu sa panig Amerikano na itigil kaagad ang ganitong panghihimasok sa soberanya ng Tsina.

Idinagdag pa ni Lu na salamat sa pagsisikap ng Tsina at mga kasaping bansa ng Association of Southeast Asian Nations (ASEAN), lumamig at bumubuti ang kalagayan sa South China Sea. Pero, taliwas dito ang nasabing aksyon ng missile destroyer ng Amerika.

Tagapagsalin: Jade
Tagapagpulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>