Sa isang panayam kamakailan sa Jakarta, Indonesya, ipinahayag ni AKP Mochtan, Pangalawang Pangkalahatang Kalihim ng Association of Southeast Asian Nations (ASEAN), na dapat magkasamang samantalahin ng ASEAN at Tsina ang kasalukuyang mga mahalagang pagkakataon, para pasulungin sa bagong antas ang kanilang kooperasyon.
Sinabi ni Mochtan, na nitong ilang taong nakalipas, iniharap ng Tsina ang Belt and Road Initiative, at aktibo namang lumalahok dito ang mga bansang ASEAN. Samantala, nagkabisa na aniya ang upgraded version ng ASEAN China Free Trade Area, at mabunga ang mga platapormang pangkooperasyon, na gaya ng China ASEAN Expo. Ipinalalagay ni Mochtan, na ang mga ito ay nagbigay ng mga mahalagang pagkakataon sa kooperasyon ng ASEAN at Tsina sa hinaharap.
Salin: Liu Kai