Hinggil sa CRIHinggil sa Serbisyo Filipino
   

Pagpapanumbalik ng malusog na pag-unlad ng relasyon ng Tsina at T. Korea, inaasahan ng pangulong Tsino

(GMT+08:00) 2017-07-07 15:59:52       CRI

Sa kanyang pakikipagtagpo kay Pangulong Moon Jae-in ng Timog Korea, ipinahayag Huwebes, Hulyo 6, 2017 ni Pangulong Xi Jinping ng Tsina ang kahandaan, kasama ng Timog Korea, na ibalik sa malusog na pag-unlad ang relasyon ng dalawang bansa.

Ang dalawang pangulo ay kapuwa kalahok sa Ika-12 Group of 20 (G20) Summit na naka-iskedyul na buksan ngayong araw.

Sinabi ni Pangulong Xi na bilang dalawang bansang malapit sa isa't isa, mayroon magkaparehong kultura at komplementaryong bentahe ang Tsina at Timog Korea. Aniya pa, nitong 25 taong nakalipas sapul nang itatag ang relasyong diplomatiko ng dalawang bansa, mabilis na umuunlad ang pag-uugnayan at nagdudulot ito ng kapakinabangan para sa mga mamamayan at kapayapaan ng rehiyon.

Idinagdag pa ni Xi na pansamantalang kinakaharap ng dalawang bansa ang kahirapan sa pagpapasulong ng bilateral na relasyon, at ayaw ito makita ng panig Tsino. Ipinahayag din niya ang mainit na pagtanggap sa kahandaan ng Timog Korea sa pagpapabuti ng bilateral na relasyon sa pamamagitan ng pagpapadala ng delegasyon sa Belt and Road Forum for International Cooperation na idinaos sa Beijing nitong nagdaang Mayo, at pagpapadala ng sugo sa Tsina para ipaabot ang nakasulat na liham ni Pangulong Moon.

Ipinahayag naman ni Moon ang mataas na pagpapahalaga sa relasyon sa Tsina. Aniya pa, sapul nang manungkulan siya bilang pangulo, pinasusulong niya ang pakikipag-ugnayan sa Tsina para mapalago ang pagpapalitan at pagtutulungan sa iba't ibang lebel at sektor. Binigyang-diin din ni Moon na nauunawaan niya ang mga nukleong interes at isyung mahalaga sa Tsina. Nakahanda rin aniya siyang palalimin ang pakikipag-ugnayan sa Tsina.

Tagapagsalin: Jade
Tagapagpulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>