Hamburg, Alemanya-Kinatagpo Hulyo 6, 2017 ni Pangulong Xi Jinping ng Tsina ang Mayor ng lunsod na si Olaf Scholz.
Binigyang-diin ni Pangulong Xi na bilang puerto ng Alemanya, ang Hamburg ay hindi lamang mahalagang daungan ng Tsina at Europa sa "Silk Road sa Karagatan," kundi ito rin ay destinasyon ng kargo ng dalawang panig. Pinahahalagahan aniya ng Tsina ang pagsisikap ng Hamburg at Mayor Scholz sa pagbubukas ng pinto sa mga bahay-kalakal na Tsino.
Ipinahayag naman ng nasabing punong-bayan ang mainit na pagsalubong sa biyahe ng Pangulong Tsino sa kanyang bansa at sa paglahok sa G20 Summit. Aniya, positibo ang Hamburg sa Belt and Road Initiative, at aktibong makikisangkot ang kanyang lunsod sa usaping ito.