|
||||||||
|
||
Ayon kay Senate Majority Leader Vicente "Tito" Sotto III suportado niya ang panawagang magbitiw na si Customs Commissioner Nicanor Faeldon sa gitna ng kontrobersya.
Nakatakdang maganap ang pulong kaninang ikalima ng hapon. Nakatakdang makausap ni Pangulong Duterte si G. Faeldon nang mas maaga sa mga senador. Hindi dumalo sa pagdinig sa Mababang Kapulungan si G. Faeldon sapagkat ipinatawag siya sa Palasyo. Makakasama sa pulong si Finance Secretary Carlos Dominguez III.
Natagpuan ng Bureau of Customs, National Bureau of Investigation at Philippine Drug Enforcement Agency ang may 604 kilong shabu na nakatago sa bodega sa Valenzuela City.
Naging kontrobersyal ang isyu kung paano nakalusot sa mga tauhan ng Customs ang kargamento. Pinadadalo rin sa pulong sina Senate President Aquilino Pimentel III at Minority Leader Franklin M. Drilon.
Magugunitang tumagal ng limang oras ang pagdinig ng Senado kahapon. Sa idinaos na executive session, isang customs broker ang nagsabing sangkot ang mga opisyal ng Bureau of Customs sa pagpupuslit ng P 6.4 bilyong halaga ng shabu.
© China Radio International.CRI. All Rights Reserved. 16A Shijingshan Road, Beijing, China. 100040 |