|
||||||||
|
||
Sa pagtatagpo ng mga ministrong panlabas ng Tsina at Singapore, sinabi ni Wang na ang pagpapalalim ng pagtitiwalaan ng dalawang bansa ay mahalaga para sa malusog na pag-unlad ng kanilang relasyon sa hinaharap. Dagdag pa niya, hinahangaan ng panig Tsino ang posibong pagsisikap ng Singapore para pasulungin ang relasyon ng Tsina at ASEAN.
Sinabi naman ni Vivian Balakrishnan na umaasa ang kanyang bansa na ibayo pang mapapatatag at mapapalalim ang bilateral na relasyon at kooperasyon sa ilalim ng balangkas ng "Belt and Road" Initiative.
Sa pakikipagtagpo naman ni Wang sa ministrong panlabas ng Cambodia, sinabi ni Wang na nakahanda ang Tsina na ibayo pang palawakin ang aktuwal na kooperasyon sa Cambodia. Dagdag pa niya, kinakatigan ng Tsina ang pagpili ng Cambodia sa landas ng pag-unlad na nakatuon sa sariling pambansang kalagayan.
Ayon naman kay Prak Sokhonn, nakahanda ang Cambodia na patuloy na pahigpitin, kasama ng Tsina, ang mga kooperasyon sa iba't ibang larangan. Sinabi pa niyang kinakatigan ng kanyang bansa ang konstruksyon ng "Belt and Road" Initiative para pasulungin ang kasaganaan ng mga kasangkot na bansa.
Sa pagtatagpo ng mga ministrong panlabas ng Tsina at Laos, sinabi ni Wang na nakahanda ang Tsina na patuloy na tulungan ang pag-unlad ng Laos at pagbuti ng pamumuhay ng mga mamamayang Lao.
Sinabi naman ni Saleumxay Kommasith na ang Tsina ay mahalagang kaibigan ng kanyang bansa at ASEAN. Nakahanda aniya ang kanyang bansa na patingkarin ang konstruktibong papel sa pagpapasulong ng relasyon ng Tsina at ASEAN.
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |