Ang bibimbap o "mixed rice" ay pinaka-bantog na espesyalti ng mga Koreano. Ito rin ay tradisyonal na pagkain ng mga etnikong Koreano ng Tsina na naninirahan, pangunahin na, sa lalawigang Jilin sa hilagang silangang bahagi ng bansa.
Noong ika-6 ng buwang ito, ginawa sa lunsod ng Yanji ng lalawigang Jilin ang isang malaking bibimbap, sa loob ng mangkok na yari ng kahoy at 3 metro ang diyametro.
Ayon sa salaysay, ang naturang bibimbap ay gawa sa pinaghalo ng 100 kilong bigas, at 36 iba pang sangkap na gaya ng spinach, bean sprout, karot, pipino, Chinese wolfberry, sesame, at iba pa. Niluto ito ng halos 30 katao sa loob ng mahigit 10 oras. Mabubusog nito ang 1000 katao.