NANINIWALA naman si Justice Secretary Vitaliano Aguirre II na maaaring maging saksi ang umaming drug distributor na si Kerwin Espinosa laban sa mga sangkot sa bawal na kalakal na kinabibilangan ni Peter Lim.
Ayon kay G. Aguirre, si Espinosa na saklaw ng Witness Protection Program sa pagkaka-alam niya sa pagkakasangkot ni dating Justice Secretary at ngayo'y Senador Leila de Lima, ay maaaring magamit bilang state witness para sa usaping pagsasabwatan upang magpatuloy ang illegal drug trade.
Bahala na umano ang mga taga-usig ng Department of Justice na hawakan ang preliminary investigation upang mabatid ang tunay na larawan ng usapin.