Sa kanyang pakikipagtagpo kahapon, Agosto 27, 2017 kay Thomas Bach, Presidente ng International Olympic Committee (IOC), tinukoy ni Pangulong Xi Jinping ng Tsina na, sa kasalukuyan, napapatupad ng Tsina ang lahat ng pangako para sa Winter Olympic Games, at sasamantalahin ang pagkakataong ito para ibayo pang pasulungin ang pagiging balanse ng palakasang pampuliko at kompetitibo. Ito aniya ay para walang humpay na pataasin ang lebel ng kalunsugan ng mga mamamayan.
Ipinahayag naman ni Bach, na batid niya ang mga naisin ng mga mamamayang Tsino sa 2022 Winter Olympic Games, at naniniwala siyang tiyak na maidaraos ng pamahalaang Tsino ang isang berde, malinis, hi-tek at sustenableng Winter Games.
Nakatakdang matapos ang kasalukuyang national games sa Setyembre 8, 2017. Mahigit 10 libong manlalaro ang maglalaban sa 33 paligsahan, at sa kauna-unahang pagkakataon, ang square dance, roller skating, dragon boat racing at iba pang 16 na paligsahang pampubliko ay inilakip sa national games.