Hinggil sa CRIHinggil sa Serbisyo Filipino
   

Tsina, suportado ang bagong resolusyon ng UNSC kaugnay ng nuclear test ng H. Korea

(GMT+08:00) 2017-09-12 09:52:10       CRI
Ipinahayag ngayong araw, Setyembre 12, 2017 ng Tsina ang suporta sa bagong resolusyon ng United Nations Security Council (UNSC) bilang tugon sa isinagawang nuclear test ng Hilagang Korea noong Setyembre 3.

Buong pagkakaisang pinagtigay Lunes, Setyembre 11 ng UNSC ang Resolusyon bilang 2375 para patawan ng bagong sangsyon ang Hilagang Korea (DPRK). Ipinagdiinan din ng resolusyon ang pangangalaga sa katatagan at kapayapaan ng Korean Peninsula at pananangan sa paglutas sa isyung nuklear ng Korean Peninsula sa mapayapa't diplomatikong paraan.

Ipinahayag ni Geng Shuang, Tagapagsalita ng Ministring Panlabas ng Tsina ang pag-asa ng bansa na ganap at komprehensibong matutupad ang nasabing resolusyon. Ipinagdiinan din niya ang pananangan ng Tsina sa paglutas sa isyung nuklear ng Korean Peninsula sa pamamagitan ng mapayapang paraan. Para rito, muli niyang iminungkahi sa mga may kinalamang panig na isaalang-alang ang "double suspension" proposal at "dual track" approach na iniharap ng Tsina.

Batay sa "double suspension" proposal, kailangang itigil ng Hilagang Korea ang mga aktibidad na nuklear at paglulunsad ng missile samantalang kailangang suspendihin ng Estados Unidos at Timog Korea ang kanilang malawakang pagsasanay militar.

Ang "dual track" approach ay tumutukoy sa magkasabay na pagsasakatuparan ng walang-nuklear na Korean Peninsula at pagtatatag ng mekanismong pangkapayapaan sa Korean Peninsula.

Salin: Jade

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>