Beijing-Kinatagpo Setyembre 25, 2017 ni Premyer Li Keqiang ng Tsina ang dumadalaw na Secretary of Commerce ng Amerika na si Wilbur Ross.
Ipinahayag ni Premyer Li na nananatiling mainam ang relasyong Sino-Amerikano at pagtutulungan ng dalawang panig sa ibat-ibang larangan. Sinabi ni Li na paulit-ulit na nagkakaroon ng pag-uusap sina Pangulong Xi Jinping ng Tsina at Pangulong Donald Trump ng Amerika, at walang tigil na pinapasulong ang pagpapalitan ng dalawang bansa sa ibat-ibang antas. Aniya, bilang pinakamalaking maunlad na bansa at umuunlad na bansa sa daigdig, ang pagpapasulong ng malusog at matatag na pagtutulungan ng Tsina at Amerika ay hindi lamang angkop sa komong interes ng dalawang bansa, kundi maging komong mithiin ng komunidad ng daigdig.
Ipinahayag naman ni Ross na malawak ang prospek ng pinahigpit na relasyong Sino-Amerikano. Positibo aniya ang Amerika sa pagpapabilis ng pagtutulungang panlabas ng Tsina. Nakahanda aniya ang Amerika na magsikap, kasama ng Tsina para ibayong pasulungin ang relasyong Sino-Amerikano, batay sa pagpapalakas ng pragmatikong pagtutulungan sa ibat-ibang larangan.