Sa seremonya ng pagbubukas ng taunang pulong ng Ika-86 na Interpol General Assembly Martes, ika-26 ng Setyembre, 2017, bumigkas ng talumpati si Pangulong Xi Jinping ng Tsina kung saan binigyang-diin niyang magkakasamang itatatag ng Tsina, kasama ng mga pamahalaan at organo ng pagpapatupad ng batas ng iba't ibang bansa, at mga organisasyong pandaigdig ang community of common destiny na unibersal na kaligtasan. Binigyan ng positibong pagtasa ang mga dalubhasa at iskolar ng mga bansa ng Association of Southeast Asian Nations (ASEAN) ang nasabing talumpati ni Xi.
Ipinalalagay ni Bambang Suryono, Tagapangulo ng Sentro ng Pananaliksik sa Inobasyon ng Asya, think tank ng Indonesia, na pragmatiko at malalim ang 4 na paninindigang iniharap ni Pangulong Xi. Aniya, gumawa si Xi ng tumpak na pagtasa sa mga mahalagang problemang kinakaharap ng kasalukuyang pagsasaayos sa katiwasayan ng buong mundo, at nagharap ng plano ng Tsina sa landas at paraan ng pagsasakatuparan ng magkasamang pagsasaayos ng buong mundo.
Malaliman naman ang impresyon ni Ei Sun Ho, Punong Tagapayo ng Sentro ng Pananaliksik sa Pasipiko ng Malaysia, sa plano ng Tsina sa aktibong pakikisangkot sa pagpapataas ng kakayahan sa pagpapatupad ng batas ng mga umuunlad na bansa sa darating na 5 taon. Aniya, ang pagpapalitan ng impormasyon at pagsasanay sa pagitan ng mga kapulisan ng iba't ibang bansa ay pinakamahalagang tungkulin ng Interpol. Nangako aniya ang Tsina na tutulong sa mga umuunlad na bansa sa pagsasanay ng mga tauhan ng pagpapatupad ng batas, at magbibigay-tulong sa pagtataas ng antas ng sistema ng telekomunikasyon ng Interpol at laboratoryo ng imbestigasyon sa kasong kriminal, tiyak na malugod na tatanggapin ang ganitong aksyon ng iba't ibang bansa.
Salin: Vera