Inilabas kahapon, Biyernes, ika-7 ng Oktubre 2017, ng Tsina at Amerika, ang magkasanib na pahayag hinggil sa mga natamong bunga ng unang Law Enforcement and Cybersecurity Dialogue ng dalawang bansa, na idinaos noong nagdaang Miyerkules.
Ayon sa pahayag, ipinangako ng Tsina at Amerika, na magkasamang buuin ang prosidyur para sa mabilis na pagpapatunay ng identidad ng mga ilegal na imigrante at pagpapabalik nila. Sinang-ayunan nilang palakasin ang kooperasyon sa pagtugis ng mga nakakatakas na kriminal ng isa't isa.
Palalakasin din ng dalawang bansa ang kooperasyon sa pagkontrol sa mga ilegal na droga at paglaban sa mga krimeng may kinalaman sa ilegal na droga. Ipinahayag din nilang patuloy na ipapatupad ang mga komong palagay hinggil sa kooperasyon sa cybersecurity, na narating ng mga lider ng dalawang bansa noong 2015.
Salin: Liu Kai