Hinggil sa CRIHinggil sa Serbisyo Filipino
   

Mga kabataan, mamumuno sa rehiyon; sa madaling panahon

(GMT+08:00) 2017-10-13 20:07:17       CRI
SINABI ni dating Malaysian Prime Minister Dr. Mahathir bin Mohamad na kailangang tumabi na ang mga nakatatanda at pagbigyan na ang mga kabataang mamuno sa pamahalaan at iba pang mga sektor ng lipunan.

Ito ang kanyang pahayag sa idinaos na ASEAN Leaders Forum kahapon, sinabi ni Dr. Mahathir na nakagugulat ang mga kabataan sa paggamit ng mga makabagong teknolohiya tulad ng computers.

Inamin ni Dr. Mahathir na kung may kailangan siyang gawin o mabatid ay tinatanong niya ang kanyang mga apo na tila isinilang ng may kasama nang computers at makabagong gadgets.

Sa panig ni dating Pangulong Fidel V. Ramos, sinabi niyang magagamit ang makabagong teknolohiya upang magkaroon ng maraming mga kaibigan at lumalawak na pakikipag-unawaan.

Binanggit ni G. Ramos na sinasabihan niya ang kanyang mga supling at apo na gamitin ang computers at makipagkaibigan sa mga mula sa ibang bansa. Kailangan ding matuto ang kanyang mga supling ng wikang banyaga. Aanyayahan ang mga bagong kaibigang dumalaw sa Pilipinas at magkakaroon din ng pagdalaw sa mga pook ng mga bagong kaibigan.

Sa ganitong paraan, dagdag ni G. Ramos na gaganda ang kalagayan ng mga mamamayan at mga bansa.

Niliwanag naman ni Dr. Mahathir na totoo ang balitang lumabas na tinutuligsa niya ang kasalukuyang pinuno ng bansa, si Prime Minister Najib Abdul Razak, ang supling ng pangalawang pinuno ng Malaysia.

Inakala umano niya na sapagkat nagkasama sila sa paglilingkod sa bansa, si G. Najib na dating Defense Minister, ay makagagawa ng mabuti sa Malaysia. Ani G. Mahathir, nagsasama-sama na ang iba't ibang grupo upang makabuo ng koalisyon sa layuning magwagi sa susunod na halalan.

Mas marami umanong kontrobersya sa ilalim ni G. Najib kaysa mga dahilan ng 'di pagkakaunawaan ng iba't ibang grupo sa Malaysia tulad ng grupo niya at ni dating Deputy Prime Minister Anwar Ibrahim.

Ipinaliwanag din ni Dr. Mahathir na mahalaga ang demokrasya kahit hindi ito ang perpektong paraan. Kailangan lamang umanong maging maingat ang mga mamamayan sa pagpili ng kanilang lider.

Sa panig ni dating Pangulong Ramos, sinabi niyang inilunsad niya ang kanyang pinakahuling aklat na pinamagatang "Make the Change Work" upang huwag masayang ang liderato ni Pangulong Rodrigo Duterte.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>