Idaraos sa taong 2021 sa Shanghai, Tsina, ang Ika-46 na WorldSkills Competition. Ito ay ipinatalastas, kahapon, Biyernes, ika-13 ng Oktubre 2017, sa Abu Dhabi, ng WorldSkills International.
Nang araw ring iyon, bago ang pagboto para sa pagpapasiya ng host city ng Ika-46 na WorldSkills Competition, ipinadala ni Pangulong Xi Jinping ng Tsina sa WorldSkills International ang video message, bilang pagpapahayag ng pagkatig ng pamahalaan at mga mamamayang Tsino sa pagtataguyod ng Shanghai ng naturang aktibidad.
Ipinahayag din niya ang pag-asang, sa pamamagitan ng pagdaraos ng aktibidad na ito, palalakasin ang pagpapahalaga ng mga mamamayang Tsino sa vocational skills, at pasusulungin ang kooperasyon ng Tsina at mga iba pang bansa sa aspektong ito.
Salin: Liu Kai