Idinaos, kahapon, Biyernes, ika-13 ng Oktubre 2017, sa Denver, Amerika, ang ika-8 US-China Energy Efficiency Forum. Lumahok sa porum ang halos 200 kinatawan mula sa mga ahensiya ng pamahalaan, instituto ng pananaliksik, at bahay-kalakal ng dalawang bansa.
Sa ilalim ng pagtataguyod ng Pambansang Komisyon sa Pag-unlad at Reporma ng Tsina at Ministri ng Enerhiya ng Amerika, ipinahayag sa porum ng kapwa panig ang kahandaang palakasin ang kooperasyon sa aspekto ng pagtitipid sa enerhiya at pagpapataas ng energy efficiency.
Iniharap din ng panig Tsino ang apat na mungkahi hinggil sa pagpapayaman ng mga nilalaman ng kooperasyon, pagpapasulong sa pagpapatupad ng mga proyektong pangkooperasyon, pagsasagawa ng kooperasyong pangkabuhayan at pangkalakalan sa industriya ng pagtitipid sa enerhiya, at pagpapalakas ng multilateral na kooperasyon sa aspekto ng energy efficiency.
Salin: Liu Kai