Si Su Tianmei (pangalawa mula kaliwa), Kalihim ng Partido Komunista ng Tsina (Communist Party of China o CPC) Sangay ng Wenpo Village, habang ipinakikilala ang paraan ng paghahabi ng Dong brocade sa mga naninirahan sa Wenpo Village, Tongdao Dong Autonomous County, lalawigang Hunan noong Hunyo 7, 2017.
Tagapagmana si Su ng sining ng Dong brocade ng mga Dong ethnic group, at inalay ang sarili sa pagtuturo ng kaalaman sa tradisyonal na paghahabi at pagtulong sa kanyang kababaya upang gumanda ang kanilang pamumuhay. Inihalal siya upang dumalo bilang delegado sa nalalapit na Ika-19 na Pambansang Kongreso ng CPC na gaganapin sa Beijing mula Oktubre 18 hanggang 23, 2017
Sa loob ng isang taon, 2,287 delegado ang naihalal upang lumahok sa pambansang kongreso na ginaganap kada limang taon. Ayon sa panuntunan, ang bawat nominado ay dapat maging karapatdapat sa aspektong pulitikal, ideolohikal, may kapuri-puring pamumuhay, may kakayahang makipagtalakayan sa mga pambansang usapin at matagumpay sa kanilang trabaho.
Sa hanay ng mga napiling delegado, 771 sa kanila ay mula sa hanay ng produksyon at paggawa, na kinabibilangan ng mga manggagawa, magsasaka at teknisiyan na bumubuo ng 33.7% ng kabuuang bilang. Ito ay mas malaki ng 3.2% kumpara noong nakaraang limang taon.
Ang mga delegado ay di lang mula sa tradisyonal na mga industriya gaya ng paggawa, transportasyon, bakal at karbon, kundi maging sa sektor ng pinansyoa, Internet at mga organisasyong panglipunan.
Salin: Mac
Web-edit: Jade
