Hinggil sa CRIHinggil sa Serbisyo Filipino
   

Tsina, isasagawa ang mga bagong hakbanging makakabuti sa pamumuhay ng mga mamamayan

(GMT+08:00) 2017-10-23 15:46:58       CRI

Sa preskong idinaos kahapon, Linggo, ika-22 ng Oktubre 2017, ng Press Center ng Ika-19 na Pambansang Kongreso ng Partido Komunista ng Tsina (CPC), ipinatalastas ng ilang opisyal ang mga bagong hakbanging makakabuti sa pamumuhay ng mga mamamayan.

Sinabi ni Chen Baosheng, Ministro ng Edukasyon, na nitong ilang taong nakalipas, tuluy-tuloy na dinaragdagan ng Tsina ang laang-gugulin sa edukasyon, at tinatayang aabot sa 4 na trilyong yuan RMB ang taunang ilalaang pondo sa susunod na ilang taon. Dagdag ni Chen, ibayo pang palalawakin ng Tsina ang saklaw ng pagtanggap ng edukasyon. Sa iniharap niyang target, hanggang sa taong 2020, inaasahang aabot sa 85% ang kindergarden enrollment rate mula sa kasalukuyang mahigit 77%, at aabot sa 50% ang higher education enrollment rate mula sa kasalukuyang mahigit 36%.

Sinabi naman ni Yin Weimin, Ministro ng Yamang-tao at Social Security, na mula 2012 hanggang 2016, ipinagkaloob ng Tsina ang mahigit 65 milyong bagong trabaho sa mga mamamayan, at sa aspektong ito, gumanap ng malaking papel ang micro and small business sa paglilikha ng trabaho. Kaya aniya, sa hinaharap, palalakasin ng Tsina ang pagkatig sa mga micro and small business, para mas madali silang makakuha ng pondo, business venue, yamang-tao, at iba pa.

Isinalaysay naman ni Li Bin, Ministro ng Pambansang Komisyon sa Kalusugan at Pagpapaplano ng Pamilya, na nitong ilang taong nakalipas, pinabibilis ng Tsina ang pagtatayo ng mga medical institution sa iba't ibang antas, para palawakin ang coverage ng serbisyong medikal. Aniya, sa kasalukuyan, mahigit 80% ng mga mamamayang Tsino ay nakakakuha ng serbisyong medikal sa loob ng 15 minuto. Dagdag ni Li, sa hinaharap, patuloy na pabubutihin ng Tsina ang access ng mga mamamayan sa serbisyong medikal, sa pamamagitan ng mga hakbanging gaya ng pagpapasimple ng pakikipagkita ng may-sakit sa doktor, pagpapasulong sa paggamit ng telemedicine, pagbibigay-ginhawa sa pagpapa-opera, at iba pa.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>