Oktubre 25, 2017--Nag-usap sina Xi Jinping at Donald Trump, Pangulo ng Amerika sa pamamagitan ng telepono.
Nagpahayag si Trump ng pagbati sa matagumpay na pagpipinid ng Ika-19 na Pambansang Kongreso ng Partidong Komunista ng Tsina (CPC) at pagkakahalal muli ni Xi Jinping bilang Pangkalahatang Kalihim ng CPC.
Pinapurihan ni Trump ang kongreso ng CPC at mga patakarang ipinalabas sa ulat ni Xi. Nais din niyang dumalaw sa Beijing at makipagtagpo kay Xi.
Ipinahayag naman ni Xi ang pasasalamat kay Trump. Aniya, mahalaga ang ipininid na kongreso, at tinukoy ng ulat nito ang patuloy na pagsunod ng Tsina sa mapayapang landas ng pag-unlad. Dagdag ni Xi, nananangan din ang Tsina sa bukas na patakaran na may komong kapakinabangan at win-win situation, at nagsusulong ng koordinasyon at kooperasyon ng mga malaking bansa.
salin:Lele