Nag-usap kahapon, Linggo, ika-29 ng Oktubre 2017, sa Beijing, sina Song Tao, Puno ng International Department ng Komite Sentral ng Partido Komunista ng Tsina (CPC), at Sounthone Xayachack, Puno ng Commission for External Relations ng Komite Sentral ng Lao People's Revolutionary Party (LPRP).
Inilahad ni Song ang hinggil sa kalagayan ng katatapos na ika-19 na Pambansang Kongreso ng CPC.
Ipinaabot naman ni Sounthone ang pagbati ng Komite Sentral ng LPRP, at ni Bounngang Vorachith, Pangkalahatang Kalihim ng LPRP, sa tagumpay ng naturang kongreso, at muling pagkahalal ni Xi Jinping bilang Pangkalahatang Kalihim ng Komite Sentral ng CPC.
Salin: Liu Kai