Beijing-Nakipag-usap unang araw ng Nobyembre, 2017 si Pangulong Xi Jinping ng Tsina kay dumadalaw na Punong Ministro Dmitry Medvedev ng Rusya.
Ipinahayag ni Pangulong Xi ang pag-asang mapapatingkad ang koordinadong papel ng Regular Prime Ministers' Meeting ng Tsina at Rusya. Aniya, inaasahang mapapahigpit ng dalawang panig ang pagtutulungan sa enerhiya, agrikultura, equipment manufacturing, at abyasyon. Dagdag pa niya, bilang bagong economic growth point, inaasahang palalakasin ng dalawang panig ang pagtutulungan sa larangan ng digital economy, na gaya ng big data, internet of things, smart city, at iba pa.
Ipinahayag naman ni Punong Ministro Medvedev na nagkaroon si Pangulong Xi ng matagumpay na pagdalaw sa Rusya sa taong ito, at nananatiling mabunga ang pagtutulungan ng dalawang panig sa ibat-ibang larangan. Nakahanda aniya ang kanyang bansa na palakasin ang komprehensibong pakikipagtulungan sa Tsina, at pahigpitin ang pagpapalitan at koordinasyon sa mga suliraning panrehiyon at pandaigdig.