Sinabi kahapon, Biyernes, ika-3 ng Nobyembre 2017, sa Beijing, ni Pangalawang Ministrong Panlabas Zheng Zeguang ng Tsina, na sa paanyaya ni Pangulong Xi Jinping, isasagawa ni Pangulong Donald Trump ng Amerika ang dalaw-pang-estado sa Tsina, mula ika-8 hanggang ika-10 ng buwang ito. Sa kasalukuyan aniya, maayos ang paghahanda para sa pagdalaw na ito.
Sinabi ni Zheng, na isang mahalagang pangyayari ang pagdalaw ng Pangulong Amerikano sa Tsina, lalo't katatapos lamang ng Ika-19 na Pambansang Kongreso ng Partido Komunista ng Tsina.
Ani Zheng, sa ilalim ng kasalukuyang malalim at masalimuot na pagbabago sa kalagayang pandaigdig, ang pagtatagpo ng mga lider na Tsino at Amerikano ay mahalaga para sa malusog at matatag na pag-unlad ng relasyon ng dalawang bansa. Ito rin aniya ay makakatulong sa kapayapaan, katatagan, at kasaganaan ng Asya-Pasipiko, at buong daigdig.
Salin: Liu Kai