Binuksan kahapon, Biyernes, ika-3 ng Nobyembre 2017, sa Chengdu, Tsina, ang Ika-54 na Pulong ng Asia-Pacific Broadcasting Union (ABU).
Sa kanyang talumpati sa seremoya ng pagbubukas, binigyang-diin ni Liu Yandong, Pangalawang Premyer ng Tsina, na dapat magpatingkad ng malaking papel ang mga media, para palalimin ang pag-uunawaan ng mga mamamayan ng iba't ibang bansa, at palakasin ang pagkakaibigan ng iba't ibang bansa. Ito aniya ay mahalaga para sa pagtatatag ng komunidad ng pinagbabahaging kinabukasan ng sangkatauhan, pagpapasulong sa magkakasamang pangangasiwa ng daigdig, at kapayapaan, kasaganaan, at kaunlaran ng daigdig.
Kalahok sa 6-araw na pulong na ito, ang mahigit 600 kinatawan mula sa mga media ng mahigit 60 bansa at rehiyon, at 9 na organisasyong pandaigdig.
Salin: Liu Kai