Bibida ang designed Philippine national costume sa Special gala celebration na gaganapin sa darating na Linggo, Nobyembre a-dose sa SMX Convention Center.
Itoy bilang bahagi pa rin ng 50th Anniversary ng Association of Southeast Asian Nations o ASEAN na mismong si Pangulong Rodrigo Duterte ang mangunguna .
Ayon kay President's Social Secretary Annalyn Tolentino, Embroidered piña cocoon Barong Tagalog, na idinsenyo ng isa sa top fashion designers ng bansa na si Albert Andrada ang isusuot ng mga kalalakihan.
Sinabi ni Tolentino na bukod sa ASEAN logo na makikita sa mga customized buttons , isinunod din sa bawat barong ang mga katangiang pinoy gaya ng "magiting", "magiliw", "marangal", "mapayapa", "magalang" at iba pa.
Sa kabilang dako, yari naman sa high-quality poly Thai silk ang isusuot ng leaders' spouses na ginawa naman nina Rajo Laurel, Albert Andrada, and Randy Ortiz.
LEO PALO III
Reporter ng DZME