Hinggil sa CRIHinggil sa Serbisyo Filipino
   

Premyer Tsino, nagbigay-diin sa pagtatatag ng East Asia Economic Community

(GMT+08:00) 2017-11-14 11:26:12       CRI

Idinaos kaninang umaga, Martes, ika-14 ng Nobyembre 2017, sa Manila, ang Ika-20 Summit ng Association of Southeast Asian Nations (ASEAN), Tsina, Hapon, at Timog Korea o ASEAN plus Three.

Sa kanyang talumpati sa pulong, nagbigay-diin si Premyer Li Keqiang ng Tsina sa pagtatatag ng East Asia Economic Community.

Sinabi ni Li, na ang pagtatatag ng naturang komunidad ay isa sa mga estratehikong target ng kooperasyon ng ASEAN plus Three, at angkop ito sa pangmatagalan at saligang interes ng mga mamamayan ng rehiyon ng Silangan at Timog-silangang Asya. Sa pamamagitan nito aniya, ang rehiyong ito ay magiging mahalagang lakas-tagapagpasulong sa pag-ahon ng kabuhayang pandaigdig.

Inilahad din ni Li ang paninindigan ng panig Tsino sa usaping ito. Ayon kay Li, ang layunin ng pagtatatag ng East Asia Economic Community ay para pasulungin ang rehiyonal na integrasyong pangkabuhayan, at isakatuparan ang inklusibo at komong kaunlaran. Dapat aniyang igiit ang nukleong papel ng ASEAN sa usaping ito, at igiit ang prinsipyo ng pagsasanggunian at pagsasaalang-alang sa interes ng iba't ibang panig. Dagdag pa ni Li, habang pinasusulong ang usaping ito, may tatlong plataporma, at batay sa pagkakasunod sa kahalagahan ay una, kooperasyon ng ASEAN plus Three; ikalawa, kooperasyon ng mga ASEAN plus One, ibig sabihin, ASEAN plus China, ASEAN plus Japan, at ASEAN plus South Korea; at ikatlo, mga subrehiyonal na kooperasyon, na gaya ng kooperasyon ng Tsina, Hapon, at T.Korea, kooperasyon ng Lancang-Mekong River, Brunei-Indonesia-Malaysia-Philippines East ASEAN Growth Area (BIMP-EAGA), at iba pa.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>