|
||||||||
|
||
Seremonya ng paglabas ng "pandaigdig na guideline hinggil sa pagtukoy at pagbibigay-lunas sa diabetes sa pamamagitan ng medisinang Tsino"
Idinaos ngayong araw, Martes, ika-14 ng Nobyembre 2017, sa Shenzhen, Tsina, ang seremonya ng paglabas ng "pandaigdig na guideline hinggil sa pagtukoy at pagbibigay-lunas sa diabetes sa pamamagitan ng medisinang Tsino." Sa pagtataguyod ng World Federation of Chinese Medicine Societies (WFCMS), ito ang kauna-unahang dokumento ng medisinang Tsino na nakatuon sa isang partikular na sakit.
Dumalo sa seremonya sina Yang Rongchen, Pangalawang Puno ng Departmento ng Patakaran, Regulasyon, at Superbisyon ng State Administration of Traditional Chinese Medicine ng Tsina; Sang Binsheng, Pangkalahatang Kalihim ng World Federation of Chinese Medicine Societies; Wu Yihuan, Pangalawang Alkalde ng Shenzhen; Shen Yuandong, Pangalawang Tagapangulo ng International Organization for Standardization (ISO) Technical Committee 249; at iba pang eksperto sa larangan ng medisina.
Sinabi ni Yang Rongchen, na ang paglabas ng naturang dokumento ay isang mahalagang hakbang ng istandardisasyon ng medisinang Tsino. Ito aniya ay makakatulong sa pag-unlad ng medisinang Tsino at paglaganap nito sa daigdig.
Sang Binsheng, Pangkalahatang Kalihim ng World Federation of Chinese Medicine Societies
Sinabi naman ni Sang Binsheng, na sapul nang itatag noong 2003, laging pinapasulong ng WFCMS ang istandardisasyon ng medisinang Tsino. Aniya, ang paggawa ng naturang dokumento ay ganap na batay sa mga tadhana ng ISO at World Health Organization.
Tong Xiaoling, punong mananaliksik ng China Academy of Chinese Medical Sciences
Ipinahayag naman ni Tong Xiaoling, punong mananaliksik ng China Academy of Chinese Medical Sciences, at ekspertong kalahok sa paggawa ng naturang dokumento, ang pag-asang magbibigay-tulong ang dokumentong ito sa mga doktor na Tsino at dayuhan sa paglunas ng diabetes. Ipinalalagay din niyang ang paglabas ng ganitong dokumento ay makakabuti sa paglaganap ng medisinang Tsino sa daigdig.
Salin: Liu Kai
© China Radio International.CRI. All Rights Reserved. 16A Shijingshan Road, Beijing, China. 100040 |