Baise, Rehiyong Awtonomo ng Guangxi ng Tsina—Huwebes, Nobyembre 23, 2017, binuksan ang ika-10 China-ASEAN (Baise) Modern Agricultural Exibition & Trade Fair.
Ang nasabing perya ay naglalayong palawakin ang kooperasyong agrikultural sa mga bansang ASEAN.
Ayon sa impormasyon ng Departamento ng Agrikultura ng Guangxi, sa pamamagitan ng proyekto ng pagsubok ng mga de-kaliad na uri ng pananim sa Biyetnam, Kambodya at Laos sa kasalukuyang taon, pinili ng Guangxi ang 30 uri ng pananim na angkop sa pagtatanim sa lokalidad. Mula noong Enero hanggang Oktubre ng taong ito, nagkaloob ang Guangxi ng 2,483 person-time na pagsasanay sa mga tauhan ng teknolohiyang agrikultural ng nasabing tatlong bansa. Ayon sa panig ng Guangxi, patuloy nitong tutulungan ang pagpasok ng mga produktong agrikultural ng ASEAN sa pamilihang Tsino.
Salin: Vera