Nanumpa sa tungkulin, kahapon, Biyernes, ika-24 ng Nobyembre 2017, ang bagong pangulo ng Zimbabwe na si Emmerson Mnangagwa.
Sa kanyang talumpati pagkaraan ng seremonya ng inagurasyon na idinaos sa Harare, kabisera ng Zimbabwe, ipinahayag ni Mnangagwa ang paggalang kay dating Pangulong Robert Mugabe. Magsisikap aniya ang bagong pamahalaan, para maging masagana at demokratikong bansa ang Zimbabwe, at muling pasiglahin ang pambansang kabuhayan.
Kinondena ni Mnangagwa ang mga sangsyong ipinapataw ng mga bansang kanluranin sa Zimbabwe. Nanawagan siya sa mga bansang ito na alisin ang sangsyon.
Ipinangako rin ni Mnangagwa, na igagarantiya ng bagong pamahalaan ang pagdaraos ng halalang pampanguluhan alinsunod sa nakatakdang iskedyul sa susunod na taon.
Salin: Liu Kai