Kaugnay ng naganap na grabeng teroristikong pagsalakay sa isang moske sa lalawigang North Sinai ng Ehipto, ipinadala Sabado, Nobyembre 25, 2017, ni Pangulong Xi Jinping ng Tsina ang mensahe sa kanyang Egyptian counterpart na si Abdel Fattah al Sisi bilang lubos na pakikidalamhati sa mga inosenteng biktima, at taos-pusong pakikiramay sa mga kamag-anakan ng mga biktima at mga nasugatan.
Sa kanyang mensahe, tinukoy ng pangulong Tsino na buong tatag na tinututulan ng Tsina ang anumang porma ng terorismo. Mahigpit din niyang kinondena ang nasabing teroristikong pag-atake. Aniya pa, buong tatag na kinakatigan ng panig Tsino ang ginagawang pagsisikap ng Ehipto para mapangalagaan ang seguridad at katatagan ng bansa, at pagbibigay-dagok sa terorismo.
Salin: Li Feng