Hinggil sa CRIHinggil sa Serbisyo Filipino
   

Dating Secretary Garin, handang humarap sa imbestigasyon

(GMT+08:00) 2017-12-05 11:21:40       CRI

HANDANG humarap sa anumang imbestigasyon si dating Health Secretary Janette Garin.

Sa isang text message sa CBCPNews, sinabi ni Dr. Garin na ang pagbabakuna laban sa dengue ay nagsimula bago pa man siya nanungkulan sa Department of Health. Ipinatupad ang palatuntunan ayon sa rekomendasyon ng World Health Organization. Kahit pa man bago lumabas ang SAGE o Strategic Advisory Group of Experts, may mga nagaganap ng pagpupulong at konsultasyon sa pagitan ng mga dalubhasa, World Health Organization at technical officials ng Department of Health. Nakipagtulungan umano ang kanyang tanggapan sa World Health Organization bago pa man ipinatupad ang programa. Mabisa umano ang pagbabakuna sa siyam sa bawat sampung Filipino.

Idinagdag pa ni dating Secretary of Health na ipinagpapasalamat niya ang pagsisiyasat ng Senado at Department of Justice at sasagutin niyang lahat ang mga akusasyon sa tamang panahon at sa tamang pook. Maghihintay din siya ng paglilinaw ng Department of Health at WHO na mga dalubhasa sa bagay na ito. Kung mayroong maggigiit ng kanyang pananagutan, handa siyang harapin at panagutan ito.

Dinadaluhan umano niya ang kanyang amang nasa bingit ng alanganin sa kanilang pook sa Kabisayaan kaya't hindi muna makahaharap sa mga mamamahayag, dagdag pa ng dating health secretary.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>