Sa regular na preskon Lunes, Disyembre 11, 2017, ipinahayag ni Lu Kang, Tagapagsalita ng Ministring Panlabas ng Tsina, na kinondena ng panig Tsino ang pagsalakay sa tropang pamayapa ng United Nations (UN) sa Democratic Republic of Congo (DR Congo). Nagpahayag din siya ng pakikiramay sa mga nasawi, at ng pakikidalamhati sa kani-kanilang mga kamag-anak.
Sa Lalawigang North Kivu sa silangang DR Congo, sinalakay ng pinaghihinalaang allied democratic forces ang tropang pamayapa ng UN noong gabi ng ika-7 ng Disyembre, local time. Di-kukulangin sa 15 sundalong Tanzanian at 5 sundalo ng DR Congo ang nasawi.
Inilabas ni Pangkalahatang Kalihim António Guterres ng UN ang pahayag na nagsasabing ito ang pinakagrabeng insidente ng pagsalakay sa tropang pamayapa nitong nakalipas na ilang taon. Nanawagan siya sa pamahalaan ng DR Congo na dakipin at parusahan ang may kagagawan.
Ipinahayag ni Lu Kang na nakahanda ang panig Tsino na patuloy na palakasin ang kooperasyon sa komunidad ng daigdig, at patinkarin ang positibong papel para sa mapayapang paglutas sa isyu ng DR Congo, at pangangalaga sa kapayapaan at katatagan ng rehiyon ng Aprika.
Salin: Vera