Iminungkahi kamakailan ni Robert Gallucchi, dating Punong Negosyador ng Estados Unidos sa Isyung Nuklear ng Korean Peninsula, na isaalang-alang ng panig Amerikano at Hilagang Koreano ang "suspension for suspension" proposal na iniharap ng Tsina. Kaugnay nito, sinabi Lunes, Disyembre 11, 2017, ni Tagapagsalita Lu Kang ng Ministring Panlabas ng Tsina , na umaasang mataimtim na isasaalang-alang ng iba't ibang panig ang mungkahi ng panig Tsino, ititigil muna ang kasalukuyang komprontasyon ng kalagayan ng Korean Peninsula, at lilikhain ang kondisyon at atmospera para sa muling pagsisimula ng diyalogo't talastasan.
Noong 1994, namuno si Gallucchi sa talastasan ng Amerika at Hilagang Korea sa Geneva, at lumagda sa "Framework Agreement hinggil sa Paglutas sa Isyung Nuklear ng Hilagang Korea." Ayon sa ulat ng Kyodo News Agency ng Hapon, ipinalalagay ni Gallucchi na kung itatatag ng Amerika at Hilagang Korea ang pagtitiwalaan sa pamamagitan ng diyalogo, posibleng itakwil ng Hilagang Korea ang planong nuklear nito.
Sinabi ni Lu Kang na ang parami nang paraming bansa at personahe ang nauunawaan at kinakatigan ang "suspension for suspension" proposal ng panig Tsino. Aniya, bilang mga panig na may direktang kaugnayan sa isyung nuklear ng Korean Peninsula, ang Hilagang Korea at Amerika ay susi ng paglutas sa isyung ito. Umaasa aniya ang panig Tsino na makikipag-ugnayan sa isa't isa ang kapuwa panig, magpapalakas ng pagtitiwalaan, at magpapabuti ng relasyon, para lumikha ng kinakailangang kondisyon sa pagresolba sa isyung nuklear ng Korean Peninsula.
Salin: Vera