Hinggil sa CRIHinggil sa Serbisyo Filipino
   

Martial Law magtatagal pa ng isang taon sa Mindanao

(GMT+08:00) 2017-12-14 16:42:07       CRI

PUMASA sa joint session ng Senado at Mababang Kapulungan ang kahilingan ni Pangulong Rodrigo Duterte na bigyan siya ng isang taon upang ipatupad ang Martial Law sa Mindanao.

Sa botong 240 pabor at 27 kontra, nakapasa ang kahilingan tatlong linggo bago mapawalang-saysay ang unang extension na magtatapos sa huling araw ng Disyembre.

Magugunitang noong nakalipas na ika-22 ng Hulyo, nakapasa rin sa joint session ng Senado at Kongreso ang kahilingang bigyan pa ng sapat na panahon ang pagpapatupad ng martial law sa Mindanao matapos salakayin ng mga Maute ang Marawi City noong ika-23 ng Mayo.

Sa panig ng Senado, 14 ang pabor samantalang apat ang kontra. Sa House of Representatives, 226 ang pabor samantalang 23 ang kontra.

Dumalo sa joint session sina Defense Secretary Delfin Lorenzana, PNP Director General Ronald Dela Rosa, AFP Chief of Staff General Rey Guerrero, Executive Secretary Salvador Medialdea at ang kanyang deputy na si Menardo Guevarra.

May mga kabilang din sa gabinete na dumalo sa pagdinig. Ipinaliwanag ni Secretary Lorenzana na hindi pa natatapos ang paghihimagsik ng mga terorista kahit pa deklarado na ni Pangulong Duterte na ligtas na ang Marawi City. Lumipat lamang umano ang mga armado at naghihintay ng sapat na panahon.

Sa kanyang liham sa kongreso, sinabi ni Pangulong Duterte na mayroon pang panganib mula sa mga terorista at mga komunistang armado.

Sa idinaos na Wednesday Roundtable @ Lido, sinabi nina dating Bayan Muna party list congressman Neri Colmenares, dating Defense Secretary Norberto Gonzales at dating Member of Parliament Homobono Adaza na nais lamang mapatibay ni G. Duterte ang kanyang pagkakahawak sa poder.

Hindi umano matanggap ni Pangulong Duterte na may mga 'di sumasang-ayon sa kanyang mga ginagawa sa bansa at sa pamahalaan.

Naniniwala din si Jigs Clamar, secretary-general ng Karapatan na madaragdagan pa ang mga paglabag sa Karapatang Pangtao sa pagpapatagal ng pagpapatupad ng Martial Law.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>