Ang taong 2017 ay Ika-80 Anibersaryo ng Nanjing Massacre, kung saan higit 300,000 Tsino ang pinaslang ng mga Hapon na sumakop sa Nanjing noong Dec. 13, 1937, na siyang hudyat ng pagsisimula ng anim na linggong paninira, pagnanakaw, panggagahasa at pamamaslang sa lunsod. Sa kasalukuyan mayroon na lamang di-kukulangin sa 100 biktima ang nabubuhay. Ginugol ng mga mamamahayag ng Xinhua ang maraming taon upang hanapin ang mga natitirang nakaligtas sa Nanjing Massacre at itala ang kalagayan ng kanilang kasalukuyang pamumuhay.
Makikita sa mga larawan ang araw-araw na pamumuhay ni Wang Suming, nakaligtas sa Nanjing Massacre. Ipinanganak si Wang noong Nov. 3, 1935. Ayon sa kanyang ina na si Zhang Zhengqing, ang ama ni Wang na si Yang Daifo ay nahuli ng mga Hapon habang nasa isang teahouse at hindi na nila nakita kailanman. Nalaglag ang sanggol sa sinapupunan ng kanyang ina habang tumatakas sa mga Hapon. Si Wang ay may tatlong anak at kasalukuyang nag-iisa mula nang yumao ang kanyang asawa noong 2001.
Larawan ng pamilya ni Wang noong 2016 (kaliwa).
Noong Sept. 14, 2017 kinuha ang litratong ito kung saan si Wang ay makikitang nakikipagkwentuhan sa isang kapitbahay (gitna itaas).
Si Wang habang nag-eehersisyo sa Qinghuai River (gitna).
Si Wang habang inaasikaso ang mga halaman sa kanyang bahay (gitna ilalim).
Si Wang habang nasa bahay (kanan itaas).
Si Wang habang nakikipag-video chat sa kanyang apo na nasa Estados Unidos (kanan ilalim).
Salin: Mac
Edit: Jade
Larawan: Xinhua/Han Yuqing, Li Xiang at Ji Chunpeng
