Idinaos kamakalawa, Lunes, ika-18 ng Disyembre 2017, sa Bangkok, Thailand, ang seremonya ng pagtatatag ng China-ASEAN Media Alliance.
Ang organisasyong ito ay naitatag sa magkakasamang pagtataguyod ng China Radio International, Xinhua News Agency, at mga local media ng Thailand, na gaya ng MCOT Public Company Limited.
Sa kanyang talumpati sa seremonya, ipinahayag ni Luo Hongbing, Direktor ng News Center ng CRI, ang pag-asang ang naturang alyansa ay magiging plataporma ng pagbabahagi ng mga video program sa pagitan ng mga media ng Tsina at mga bansa ng Association of Southeast Asian Nations.
Ipinahayag naman ni Nanthasit Leksrisakul, Vice President ng MCOT Public Company Limited, na ang pagtatatag ng naturang alyansa ay makakatulong sa pagpapalitan at pagtutulungan ng mga media ng mga bansang ASEAN at Tsina.
Salin: Liu Kai