Hinggil sa CRIHinggil sa Serbisyo Filipino
   

Lancang-Mekong Cooperation Media Joint Statement, nilagdaan

(GMT+08:00) 2017-12-21 15:58:43       CRI

Beijing, Tsina—Nilagdaan Miyerkules, Disyembre 20, 2017, ang Unang Lancang-Mekong Cooperation (LMC) Media Joint Statement makaraang idaos ang LMC Media Summit.

Seremonya ng paglagda ng LMC Media Joint Statement

Lumahok sa pulong at lumagda sa magkasanib na pahayag ang mga kinatawan mula sa 34 na media outlet galing sa anim na kasaping bansa ng LMC.

Ayon sa nasabing pahayag, ang kooperasyon ng mga media ay mahalagang bahagi ng LMC. Anito pa, dapat magkakasamang isabalikat ng mga media ang tungkulin ng pagpapasulong ng pag-unlad ng rehiyong Lancang-Mekong para makinabang dito ang mga mamamayan.

Sa kanya namang talumpati sa summit, iminungkahi ni Ren Qian, Pangalawang Punong Editor ng China Radio International (CRI) na pahigpitin ang pagpapalitan at pagtutulungan ng mga media organization sa kahabaan ng Lancang-Mekong, sa pamamagitan ng magkakasamang pag-uulat, pagpapalitan at pagsasanay ng mga tauhan at mamamahayag, at pagdaraos ng mga porum at symposium. Hinikayat din niya ang mga media na magdaos ng mga proyekto ng kawanggawa na may mahigpit na kaugnayan sa pamumuhay ng mga mamamayan ng rehiyon.

 Si Ren Qian, Pangalawang Punong Editor ng China Radio International habang nagtatalumpati sa LMC Media Summit

Ang LMC ay isang sub-rehiyonal na platapormang pangkooperasyon sa ilalim ng balangkas ng kooperasyon ng Association of Southeast Asian Nations (ASEAN). Itinatag ang LMC noong Marso, 2016 ng mga bansa sa kahabaan ng Ilog Lancang-Mekong na kinabibilangan ng Tsina, Kambodya, Laos, Myanmar, Thailand, at Vietnam. Ang Lancang ay tawag ng mga mamamayang Tsino sa itatas na bahagi ng Mekong.

Salin: Jade
Pulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>